احنا فى فرصه عايزين نلحق نفسنا

السلام عليكــم ورحمـة الله وبركاتــة،،انا
هقولكو على حاجه ياجماعه لسه شايفاها دلوقتى
لسه كنت بتفرج على قناه الرحمه
ولاقيت عليها شيخ بيتكلم عن كلام عمرى ماسمعته قبل كده خالص
وكان نفسى كل اللى اعرفهم يكونو بيشوفو دلوقتى
لو اقدر اوصلهم او اكلمهم
عشان يشوفو الكلام ده
لكن
الحمد لله لاقيت اتكتب ان البرنامج
ده سيعاد يوم الاحد الساعه عشره ونص بتوقيتنا
قلت كويس ابعت الكلام ده لكل اللى عندىكلام بجد اسمعوه
وقولولى رايكو فى البرنامج
ومتنسونيش بالدعاءانا
قولت احط الموضوع ده هنا عشان هنا ناس تعرفنى واعرفهم
وعايزاكو تساعدونى وتنشروه
يمكن ده يكون برنامج ياثر فى ناس
ويكون سبب هدايتهم
ويدعولنا
متبخلش بانك تبلغ بيميعاده الناس اللى تعرفهم
انا عايزاه يضاف فى كل المنتديات
خصوصا المنتديات بتاعت الاغانى والحاجات دى
بجد انا الكلام اثر فيا اوى اوى
وممكن حد يقول هيا هتعمل شيخه علينا وانها يعنى............................
ابدا والله انا عملت ذنوب كتير
مين مننا مبيغلطش
لكن لازم نلحق نفسنا
انا فى حاجات كتييير اوى سبتها لما عرفت انها حرام مش هتفيدنى
انا لما بدخل خصوصا باليل عالمنتدى
والاقى فى قائمه المتواجدين شباب وبنات كتيييير
بقول اشوف بيعملو ايه كده
الاقى كل صفحه ادخلها عشرات عشرات
بجد قاعدين للاغانى والافلام والمسلسلات
حقيقى بحزن
ده الوقت اللى بيكون فيه ربنا فى اول سماء
وبيسال علينا ملاءكته وهو اعلم بينا طبعا
واقول يارب شايف كل الناس دى اللى فى لهو عنك
ازاى كده بجد ربنا رحييييم اوى
والقرب منه جميل جدا
انا كنت بحب جدا اتفرج على المسلسلات والافلام
بس دلوقتى
ولله الحمد بيجى جوايا شىء من الكره من انى احول بس على اى قناه منهم
و
الله العظيم انا لسه كنت من كام شهر بتفرج عليهم
ومتابعاهم ويوميا سهر للفجر
بخلاف ايام الدراسه طبعا
بس دلوقتى الحمد كل الحمد لله
بس لسه بردو جوايا
شىء بيخلينى ممكن اسمع اغنيه
بس انا متاكده انه بالتدريج
كله بيجى بالتدريج
وبفتكر دايما موضوع حجابى
ا
نا اتحجبت بالتدريج
وكتير مننا ربنا هداه بالتدريج
وربنا يثبتنا
ممكن حد دلوقتى يقول
دى تلاقيها منتقبه ولا من البنات المقفله دول
ابدا والله انا بنت عاديه
لبسى عادى
وربنا يهدينا
انا ممكن اكون حطيت الموضوع مش فى مكانه
بس انا عايزاه يوصل لكل المنتديات
وبجد لو سمعتو ان شاء الله البرنامج ده
ان
شاء الله هنتغير
ومع بعض لطاعه الله
ومعلش طولت عليكم
بس انا حبيت اوصلكم اللى حاساه دلوقتى
وياريت نسجله ونديه للى ميعرفوش يشوفوه
والسلام عليكــم ورحمـة الله وبركاتــة ،،